بسم الله الرحمن الرحيم
وأنا سرحان (قصدى قاعد بذاكر خطرت ببالى فكرة وقلت ليه لأ) ليه الريس ميفكرش إنه
ينزل مرة يشترى خمس أرغفة عيش ليفطر به هو وحرمه
(طبعاً ده حيسهله الآمور شوية لإن فى الأفران فى صف للرجالة وصف للستات وصف فى النص لل......عايزين خمسة)
(طبعاً ده حيسهله الآمور شوية لإن فى الأفران فى صف للرجالة وصف للستات وصف فى النص لل......عايزين خمسة)
أو يقف ضعف الوقت ليشترى عشرة أرغفة ويعزم الأنجال الأعزاء
ناس كتير حتقول إيه اللى أنا بقوله ده هوأنا إنشكيت فى عقلى ولاإيه لكن ليه دايماً تفكيرنا
إن الريس ال......... (ضع الصفة المناسبة التى تراها مناسبة ) تفكيره دايماً
إن إحنا أكيد أكيد فى مصر
بس المصيبة إن إحنا فعلاً فى مصر
مصر أم الحضارة وأم العراقة
وحالياً أم أفران العيش وأم الفساد و أم البهدلة الخ.....الخ.....
طبعأ لو أى واحد من السادة المسئولين شاف الكلام اللى أنا كاته
ده حيقول إن أنا كداب ويقولك فين الدليل
ولو قلتله إنت عمرك م رحت فرن عيش
حيرد يقولك الظروف والجوابات والبلد محتجاللى ويعمل راجل وطنى
فعشان كده أنا نزلت مخصوص أصور زحمة الأفران
اللى عندنا فى الإسكندرية( يعنى ده إبداعى الشخصى مش من على النت)
و ده طبعاً عشان البلد محتاجة المسئولين وهما مش فاضيين
وأحب أقول للإخوة المدونين إن أنا أعتبر فى منطقة متوسطة الكثافة السكانية
بالنسبة للمناطق العالية الكثافة مثل العصافرة ومحرم بيه والمناطق اللى زى دى
ولكن دى الصور وأنتم اللى حتقولوا رأيكم
الصور دى تم إلتقاطها فى حوالى الساعة 8:30 صباحاً
وفكرت أكتب تعليقات على الصور بس لقيت إنها معبرة
وبالله التوفيق
هناك 36 تعليقًا:
ابني الحبيب احمد
عود احمد بعد انتهاء الامتحانات ربنا ينجحك يا حبيبي
و هي دي العودة اللي كنت منتظراها من ابني الهمام ابداع خاص تماما و ليس نقل لا في الكلام و لا في الصور
الله ينور
احمد
ربنا يحميك لمامتك ولمصر
تعرف ياابو حميد ان الان مشكلة العيش خفيفة شوية
فى الصيف حتحصل مشاكل اكتر تعرف لية
فى الشتا كانت المدارس والغيش الفينو
دلوقت خلاص خلصت المدارس ومش عاوزين عيش فينو واتفرج بقى ياعم
ربنا يستر
تقبل تحياتى
ودمت موفقا فى التعليم والتدوين
وتحيتى للوالدة
ما شاء الله عليك يا أحمد
وكمان موثق الموضوع بالصور
اهو دا الشغل ولا بلاش
ربنا يحفظك يا حبيبى
تعرف ياأحمد أنا كأنى بتكلم مع عمرو
رغم انى عندى أحمد لكن خلاص صورتك
ارتبطت عندى بعمرو
السلام عليكم
مبروك انتهاء الامتحانات
الصور دي فعلا موجودة حقيقي
في أغلب المناطق في مصر
تناولت الموضوع بصورة خفيفة
اتمنى لك التوفيق وتقبل تحياتي
إبننا النجيب أحمد
بارك الله في مشاعرك النبيلة نحو إخوانك ومواطنيك
تعلم أن من أسوأ ما يتحلي به انسان هو أنانيته وعدم إكتراثه بالآخرين،
___________
اللهم ارزقنابحكام منا يقتدون بعمر بن الخطاب رضي الله عنه الذي إعتبر نفسه مسئولا عن دواب العراق.
_________________
تحياتي لك
صديقى الجديد احمد
يارب دايما تزورنى وازورك وانا بشكرك على زيارتك ليا وتعليقك عندى وفكره لذيذه انا قعدت اتخيل الريس وهو واقف فى الصف عشان يجيب عيش والناس بتذوقه وهو بيذقهم
عجبنى التخيل وهو لازم فعلا يشوف بعينع ويجرب بنفسه المأساه اللى بيشوفها باقى الشعب عشان العيش مش اللحمه ولا الفاكهه
ربنا يبارك فيك يا ابو حميد
تحياتى
السلام عليكم ورحمه الله وبركاته
جزاكم الله خيرا يأحمد وبوركت على هذا الموضوع
بخصوص امر أن الرئيس ينزل يشترى عيش
قد اسمعت لو نادديت حيا ولكن لاحياة لمن تنادى
الصور جميله ربنا يكرمك يارب
اتذكر كام مقال على موقع اخوان اونلاين للدكتور حمدى حسن ما انك تقريبا اسكندرنى جمال جدا
فى باب اراء حرة
وفقكم الله ومبروك أنتهاء الامتحانات
والقادم أفضل بأذن الله
احمد
والله حبيبي فكرت فى الحجات دى كتير ... ولقيت أنه الريس عمره ما عاش في مصر
هو فعلاً يمكن موجود على الأراضي المصرية ولكن في أماكن غير اللي المصريين يعرفوها يعني هو عايش ومش عايش معانا
المدونة عندك حلوة اوى
ما شاء الله ولا قوة الا بالله
التدوينة متكاملة الجوانب
موضوع وصور ...
عموما ..عندك حق
اصله معدااش على فرن
:)
مستنين تطمنا على النتيجة ان شاء الله
ولو انى معرفش عمرك بالظبط
لكنى واثقة انك متميز وسط أقرانك
ربنا يباركلك فى أهلك ويباركلهم فيك
الشمسية اللى جنب الفرن دى ...بشبه عليها على فكرة
:)
مدونتك جميلة فعلا يا احمد
تحياتى وبالتوفيق ان شاء الله
اخي الكريم أحمد
تحياتي
ما شاء الله مدونتك جميلة و لطيفة.
ومبروك انتهاء الامتحانات و عقبال الشربات...بالتفوق ان شاء الله.
طبعا واضح انك مازلت متأثر بالامتحانات...لانك بتترك لنا ان نكمل ما بين القوسين ..هههههه.
رغيف الخبز ، في رأيي مشكلة تنظيمية بحته...
اقول اقتراح يمكن يكون ذو قيمة:
1- يتم فصل افران الخبز الافرنجي عن
محلات الحلويات.....يعني افران مخصصة للخبز الافرنجي...
2 ـ الدقيق يباع مدعم لجميع الافران
البلدي و الافرنجي و ايضا مخابز الحلويات
كالجاتوه و التورتات, و خلافه.
3 ـ المحاسبة الضريبية تكون كالاتي:
أ: اعفاء كامل لمخابز الخبز البلدي.
ب : ضريبة خفيفة لمخابز الخبز الافرنجي
حتي لا يتأثر الطلبة بارتفاع الضريبة.
ج : محلات و مخابز الحلويات تضاف الي ضريبتهم فرق الاسعار....
بهذا لن يكون هناك سوق سوداء للدقيق.
ربنا يهيء لنا الخير و يجعل بلدنا سخاءً
رخاءً.
تحياتي و تقديري
يا باشمهندس الريس لو فكر ينزل يشتري عيش هيعملوا علشان فرن مخصوص علشان يقف عليه لواحده
اه نسيت اقولك
الفرن هيبقى جوه اوضة النوم عنده
لسه هنتعب الراجل وينزل ويلبس الشبشب ابو صابع وجري على الفرن
مفيش وقت الراجل بيحب يلحق شغله بدري
وبالنسبه للصور
هو فعلا لسه فيه افران كده كتير
بس مش كلها او مش كل المناطق
وجايز علشان دي ساعة صبحية يا ابو حميد وكله عايز يشتري قبل ما يروح شغله مثلا
انا شايف ان الوضع دلوقتى احسن بكتير
صحيح لسه فيه افران زي مانت مصورها كده
وزي ما بيقولوا الصور ما بتكدبش
انما احنا كنا فييييين
احنا كنا بنشتري العيش بالواسطه
يعنى يكونلك حد معرفة جوه المخبز علشان يديك عيش يتاكل ويمشيك بدري شوية
تحياتي يا ابو حميد وفي انتظار ابداعاتك الجميلة
انا معاك لو فعلا الريس نزل يجيب خمسه ترغفة ويصروة وهو بيجيب
بس اكيد هيفضى الفرن عشانة
تحياتى
حمدا لله على انتهاء الامتحانات يااخ أحمد
عقبال ما نفرح معاك بالنتيجة
جميل قوى ان تكون دى اهتماماتك فى سن المراهقة ده يبشر برجل من جيل النصر المنشود
اكيد انت محتاج تزود معارفك عن قضية فلسطين بمزيد من القراءة والاطلاع
ومن افضل الكتب التى تناولت تاريخ فلسطين كتاب الطريق الى بيت المقدس للدكتور جمال عبد الهادى
اما حكاية فرن العيش فكرتنى بالملكة مارى انطوانيت المشهورة
اكيد الريس هيقولك وتحير نفسك لية ما بلاش عيش نأكل جاتوه
ياعم ابو حميد هى جت على دى!
السلام عليكم
ما شاء الله الأفران عندكم أحوالها أفضل بكثير من غيركم ( مثل عربي يقول بشره بالموت يرضى بالحمة ) .. هناك طوابير من قبل الفجر .. هناك طوابير سقط فيها شهداء جدد وطوابير سقط فيها جرحى بعاهات مستديمة )
وبعدين ياابو حميد عايز كبيرنا ينزل للفرن باين عليك طيب .. دا أحنا نعجنه ونخبزه ونوصله كمان بس هو يجبلنا الدقيق ..
تحيتي
SAID
السلام عليكم
اولا بلاش سرحان في المذاكرة دلوقتي خصوصا ي الحاجت دي
ثانيا احناا هننسى بقى الاجل لسة افع جمارك كو تمر معتبر 65 جنيه بحالهم اهو
تياتي لك ولماا جدااااا وساتواصل دوما باذن الله
ونورت مدونتي المتواعة
اتجدعن عاوزين نشرب شربات النجاح
ودي حياتي
العزيز
ahmd ebn om ahmd
سعيد بزيارتى لمدونتك وان شاء الله نتواصل دائما ..مبروك الانتهاء من الامتحانات وعقبال النتيجة التى ترضيك
اما بخصوص الريس ينزل يجيب عيش ده غلط
جمال هو الصغير ينزل يجيب العيش والفول علشان الافطار والريس عليه السلطة زى الافلام
وايه حكاية الطوابير دى لسه موجوده عندكم ؟ احنا الموضوع ده خلص من شهرين عندنا والحمد لله
عقبالكم يارب
يا احمد يا ابن الحاجة الفاضلة ام احمد
انا عاوز الفت انتباهك
الى حاجة مهمة جدا
اوعى تفتكر فى يوم من الأيام
ان الناس اللى واقفة فى طوابير العيش دى
انها واقفة عشان
انه فى مشكلة
فى الرغيف
او فى لقمة العيش
لا يا حبيبى لا
لا والف لا
كلا والف كلا
دول واقفين
عشان عيش بلدنا
مش أى عيش
بمعنى الواحد ممكن يضحى بنفسه عشان يحصل على حاجة تبسطه
فيقف من أجلها الطوابير
ويعانى ويفنى عمره تقريبا فى الطابور
كل دا عشان يجيب حاجة
خاضعة للمواصفات القياسية العالمية
الأيزو
ورغيف العيش عندنا
خاضع طبعا لهذه المواصفات
عشان كدا هو رغيف عالمى
دا حتى السياح بيجوا يفقوا فى الطابور
عشان يستمتعوا بطعمه
وقيمته الغذائية
وربنا يخللنا
رغيف العيش
ابو شلن
بجد يا احمدة حلو مووت اشطة يا باشا الموضوع اساسا تقيل والعرض بتاعة صراحة انت أستاذ يا بنى ربنا يخليك للشعب المصرى يمكن تكون انت من الجيل الى يعمل حاجة
السلام عليكم
اخى احمد
الصور كتييييييييير ياما بشوفها على الواقع
لكن
فى النهاية
اكيد
اكيد
لما تشوف موقف من دول
يبقى لازم تقول لنفسك
انا اكيد
اكيد
اكيد فى مصر
ارق تحياتى
قلب ابيض
السلام عليكم
جهد رائع يا حــمـّـو
ربنا يوفقك
مبارك عليك انتهاء الامتحانات
وعقبالنا
وعقبال النجاح يا رب
أفران العيش ظاهرة العصر في مصر
ولو كنت كملت الجولة لمصر كلها
تصورها
هتلاحظ تشابه يقترب من التطابق
هو ده حالنا المزري
هي دي حكومتنا
هو ده حبيبنا
وواحد مننا
على رأي عمرو دياب
تحياتي
وأعانك الله يا بطل
آدم
مبروك الاجازة يا عمنا
وعقبالى
انا بطلت اكتب فى السياسة
وحرمت
هههههههههه
عامتا لازم يجى اليوم اللى يكون فية العيش - عيش بجد
تحياتى يا جميل
السلام عليكم
ابننا الكريم
مدونة جميلة وتصوير رائع والحمد لله مش زى تصوير عبد السلام النابلسى فى فيلم يوم من عمرى
وأراد الله ان اتعرف على مدونتك فى وقت اهم فيه بالرحيل عن هنا ولكن قدر الله وماشاء فعل ولكن ان شاء الله سأمر يوما ما وأقرأ ما تكتب
اتمنى لك كل النجاح والتوفيق
واوصيك خيرا بوالدتك الغالية
والسلام عليكم ورحمة الله
مهروسة يا مصر يا محروسة
اتاريكى ساكتة ومهروسة
اسعار تغلى وناسها تعلى
دى الاسعار اغلى من الكوسة
الهول يبعث ارقى التحيات بالعودة الحميدة من ارض المعركة
www.alhol.blogspot.com
فينك يا احمد
مستنين بوست جديد من زماااااااااااااااااااااااااااااااان
تعالا شوف اخترناه 2008
العزيز
احمد
اين جديدك ويارب تكون النتيجة ظهرت
وشرفتنا بنجاح باهر يسعد ام احمد
والوالد العزيز
فى انتظار جديدك
ربنا ينجحك واحنا معاك
احمد
غيابك طول اوى والامتحانات خلصت فينننننننننننننك
بسم الله الرحمن الرحيم
أحمد ابن أم أحمد
كلامك جميل وتفكريك أيضا جميل لكن أكنت تذاكر أم تفكر " مجرد مداعبة " أكيد تفكير العظماء لا ينقطع كم أعجبتنى إيجابيتك ونظرك لحاجة الناس وأسأل الله أن يجعلك عونا للناس دائما .
ابشروا .. هنقفل المدونات ونقعد فى البيت
يوم الاربعاء 9/7/2008
فى المصرى اليوم كتب الاستاذ / مجدى الجلاد عن مشروع جديد
لتقييد الحريات واليكم المقال
---------------------------------------
قانون «ذبح» الفضائيات .. والـ «فيس بوك»!
ادعوكم لبحث هذا الموضوع الخطير قبل فوات الاوان
انت فين يا احمد شهر ونصف ومقيش جديد
لعل المانع خير
فى انتظارك
إخوانى وأخواتى المدونين أنا آسف على تآخيري ولكن عشان أنا الأيام دى مشغول بالicdlعشان كده أنا إتأخرت على الرد وأكرر آسفى وإنتظروا كل جديد بإذن الله
----------------------------------
وبالله التوفيق
فينك يا ابنى محدش بيشفوك
مبروك ياابو حميد الرخصة
ومالكش حجة فين جديدك وزياراتك
مع السلامة
السلام عليكم ورحمة الله وبركاته
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة
اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين
أخوكم
سعيد
في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
لا حول ولا قوة إلا بالله
أبشرك أخى فى الله بعد هذه الصور واللقطات التى شاهدتها أن مصر فعلاً بتتقدم بينا ... أعطت ظهرها للمستقبل وظلت تتقدم للخلف .
" والذين إذا أصابتهم مصيبة قالوا
إنا لله وإنا إليه راجعون "
جزاك الله خيرًا أخى فى الله
إرسال تعليق