أصله معداش على مصر

بسم الله الرحمن الرحيم

وأنا سرحان (قصدى قاعد بذاكر خطرت ببالى فكرة وقلت ليه لأ) ليه الريس ميفكرش إنه

ينزل مرة يشترى خمس أرغفة عيش ليفطر به هو وحرمه

(طبعاً ده حيسهله الآمور شوية لإن فى الأفران فى صف للرجالة وصف للستات وصف فى النص لل......عايزين خمسة)

أو يقف ضعف الوقت ليشترى عشرة أرغفة ويعزم الأنجال الأعزاء

ناس كتير حتقول إيه اللى أنا بقوله ده هوأنا إنشكيت فى عقلى ولاإيه لكن ليه دايماً تفكيرنا

إن الريس ال......... (ضع الصفة المناسبة التى تراها مناسبة ) تفكيره دايماً

إن إحنا أكيد أكيد فى مصر

بس المصيبة إن إحنا فعلاً فى مصر

مصر أم الحضارة وأم العراقة

وحالياً أم أفران العيش وأم الفساد و أم البهدلة الخ.....الخ.....

طبعأ لو أى واحد من السادة المسئولين شاف الكلام اللى أنا كاته

ده حيقول إن أنا كداب ويقولك فين الدليل

ولو قلتله إنت عمرك م رحت فرن عيش

حيرد يقولك الظروف والجوابات والبلد محتجاللى ويعمل راجل وطنى

فعشان كده أنا نزلت مخصوص أصور زحمة الأفران

اللى عندنا فى الإسكندرية( يعنى ده إبداعى الشخصى مش من على النت)

و ده طبعاً عشان البلد محتاجة المسئولين وهما مش فاضيين

وأحب أقول للإخوة المدونين إن أنا أعتبر فى منطقة متوسطة الكثافة السكانية

بالنسبة للمناطق العالية الكثافة مثل العصافرة ومحرم بيه والمناطق اللى زى دى

ولكن دى الصور وأنتم اللى حتقولوا رأيكم



الصور دى تم إلتقاطها فى حوالى الساعة 8:30 صباحاً

وفكرت أكتب تعليقات على الصور بس لقيت إنها معبرة

وبالله التوفيق

فضفضة من القلب والله

بسم الله الرحمن الرحيم

الحمد لله أننا نستطيع الكتابة بل ونستطيع توضيح ما كتبنا

و بالنسبةللآراء الأخرى عن موضوعى الأول أنا أرى أن خطة الجهات العليا هي امتصاص أي تحمس ديني أو سياسياً يدعو للإصلاح أو الإيجابية

إحنا عندنا التفكير وعندنا الحماس اللازم لكننا نخاف أن نخرجه خوفاً من أن نروح وراء الشمس(وهى دى المقاومة الداخلية القائمة بين الحماس والخوف او الصراع الداخلى (ربما يكون ده وضح أكثر ما أقصده ))

وبالنسبة لحكاية إن كل دولة لازم تتقدم برجالها وشعبها

طب ما السيد الرئيس (اللهم طول عمره كمان وكمان وقصر أعمارنا كلنا قول" آمين")قال جملة كانت فى كتاب دراسات تقريباً فى

كتاب تالته إعدادى:

"أن مصر وإفريقيا لن تتقدم إلا برجالها"

وده طبعاً يؤكد كلامك لإن السيد الرئيس (اللهم طول عمره كمان وكمان وقصر أعمارنا كلنا قول" آمين") كلامه أكيد صحيح ولايصد

ولا يرد .

ولكن المشكلة الأساسية (مع إحترامى لكل رجالة مصر والوطن العربى )إن هما فين

وللآسف أنا واحد من الناس دى يمكن بأحاول أتغير لكن الواقع لايتغير ولو مسكتله الطبله

وأيضاً رجالة فلسطين مهما لو فضلوا لوحدهم وقلنا هما مش محتاجين حد دول رجالة

حيخلصوا من كتر العمليات الإنتحارية ده لايمنع أن الفلسطينين وقعوا فى بعض الأخطاء فهم بشر ولكنهم بسبب تلك الأخطاء بدؤا ينسون الغاية الأسمى من المقاومة الفلسطينية وهى إستعادة الحق المسلوب ده حتى البرامج العالمية بدئت تنسى فلسطين وبدئت تكتب إسرائيل على الخرائظ الموجودة على الإنترنت

عشان كده لازم نتعاطف وندعو على الأقل نديهم دفعة معنوية

بدل مإحنا آخرنا نتعاطف وندعى للمنتخب الأول لكرة القدم(لكن طبعاًده ميختلفش مع إنى بأموت فى حاجة إسمها كورة )ده حيديهم دفعة

لكن مش دول اللى محتاجين كل التعاطف وكل الدعاء ده

يا سيدى (أو يا ستى) إدعى وسط كل الدعاء دعوة واحدة لأهل فلسطين

صدقنى

ده حيريحك أوى

لكن ده لايكفى لكن على الأقل تحس إنك عملت حاجة

البداية المؤلمة

بسم الله الرحمن الرحيم

البداية تكون إما سعيدة وإما حزينة لكن مع الأوضاع الجاريةهى مؤلمة و هذا ما يدعونا لأن نفكر هل نحن حقاً عرب ؟؟؟

هل نحن أحفا د العرب الفاتحون العظماء ؟؟

إجابة معظمكم ستكون نعم لكن بما إنى طالب لذا تعالوا نصحح الإجابة

من سيجيب بنعم ستكون إجابته غير كاملة (خلينا نعمل زى المصححين)

1. لإننا آلأن عرب إسماً وليس سلوكاً ولكن هذا ليس ذنبنا بالكامل فنحن مجرد أداة تنفيذ للخطة التى وضعتها( الجهة العليا) زى ما بيسموا نفسه


2. لإننا خضعنا لتلك الخطة ولم ننمى المقاومة الداخلية وبرضه ليس ذنبنا بالكامل فهم من كبتوا تفكيرنا

ولكن لإنى مصحح طيب سأعطى سبب إن الإجابة ليست كاملة

السبب الأول ده

السبب التانى ده

1.